مرحباً بك في عالمي! عمر الحربي شريكك التقني Omar Harbi Your Technical Partner

إتصدق اني عارفك

إتصدق اني عارفك

إتصدق اني عارفك – ابن فطيس

 

 

إتصدق إني عارفك قبل لا ألقاك
 

يعني لو أشوفك بشارع عرفتك
  

وإتصدق إن كني معك واتحلاك
 

وان كان منت بمقتنع بي وصفتك
  

أراهن إن من ناظرك ما تعداك
 

و أراهن إنه صعب جذبك ولفتك
  

و أراهن إن كنك مخدّر بممشاك
 

و أراهن إن لك عين حورى وتفتك
  

وأراهنك ..وأراهنك ..واتحّداك
 

إني من كفوف الوساده خطفتك
  

الله عطاني منك يازين وأعطاك
 

من دون لاأشوفك بعيني ولفتك
  

في ذا.. أو.. هنيا.. أوإهنا..أو.. هناك
 

ماهو مهم …بس المهم اكتشفتك
  

ولا عاد منهم خوف ذولا ..وذولاك
 

أنا من العالم كأني صرفتك
  

أدري بعقلك وين جابك وودّاك
 

مالك عليه دين والله ماشفتك
  

ولاني بساحر يوم اعدد مزاياك
 

لكن نهر الشوق فاض وجرفتك
  

باحساس اضنّه قاصرٍ من حلاياك
 

شفتك بقلبي وبقصيدي حذفتك
  

لكن تعال وكل ماراح يفداك
 

وحقك علي ان كاني ما عرفتك

Bookmark and Share