مرحباً بك في عالمي! عمر الحربي شريكك التقني Omar Harbi Your Technical Partner

الله يجازي

الله يجازي

الله يجازي – ابن فطيس

 

 

الله يجازي من يسوّي سواتك
 

وبذنووب من سوّا سواتك يجازيك
  

مشيت درب الثقل وتحب ذاتك
 

ماتدري انه للمهالك يوديك؟
  

وغرّك جمالك…يا خسارة حلاتك
 

ماتدري ان ماغير طبعك يحليك؟
  

بتقول زينك يشفع لسيئاتك
 

الحسن ماهو عن وفا الحب يعفيك
  

لو التواضع والوفا من سماتك
 

بعت الحبايب كلهم ..دين..واشريك
  

لكن عجزت اغيرك ..يا جراتك
 

على الغياب اللي بلا عذر ينجيك
  

خطاي….في توضيح وشي غلاتك
 

وخطاك….في توضيح وشو تغليك
  

مافاتك التجريح…والعذر..فاتك
 

وتبغي رضاي الحين!! ماعاد يمديك
  

صحيح احبك .. بس هذي جزاتك
 

باعلمك درس ٍ يفيدك ويحييك
  

تدري وش ابيض من خفوقك؟؟…عباتك
 

وتدري وش اللي غرني؟؟…نظرتي فيك
  

ادري بتستغرب..تصّبر وجاتك
 

قصيدة ٍ من واحد ٍ كان يبغيك
  

وتبغي تناظر وانت عايش مماتك
 

شف وحدتك والناس تجلس حواليك
  

وتبغي تشوف اشجع رجل في حياتك
 

شفني……وانا راحل…على كثر ما اغليك

Bookmark and Share